Jamie Roberts (Llun PA)
Mae canolwr Cymru, Jamie Roberts, yn debyg o golli’r gêm brawf ryngwladol yn erbyn De Affrica … ac efallai ragor na hynny.
Ar ôl cael anaf wrth chwarae i Racing Metro yn Ffrainc, mae wedi dweud ei fod yn aros am ganlyniadau profion gan ddoctoriaid.
“Ond fydda’ i ddim yn chwarae yn y dyfodol agos,” meddai wrth y wasg. “Ond dw i ddim yn siŵr pa mor hir fydd hynny.”
Hook yn aros yn Ffrainc
Yn y cyfamser, mae cyd Gymro Jamie Roberts yn Racing Metro, James Hook, wedi arwyddo cytundeb newydd i aros am bedair blynedd arall yn Ffrainc.
Roedd yn lle ardderchog i chwarae a byw, meddai wrth Radio Wales, gan ddweud nad oedd eisiau gorfod symud ei deulu eto.
