Munster: 13 13: Y Gweilch
Gêm gyfartal oedd hi heno rhwng dau dîm oedd yn brwydro’n eiddgar am fuddugoliaeth.
Roedd y siom yn amlwg ar wynebau blinedig aelodau’r ddau dîm ar y diwedd, yn enwedig gan mai hon oedd y gêm gyfartal gyntaf erioed rhwng Munster a’r Gweilch.
Chwe phwynt yr un oedd hi ar yr egwyl. Jonathan Thomas sgoriodd y cais i’r Gweilch yn yr ail hanner.
Ymdrechodd y ddau dîm hyd y diwedd a gyda buddugoliaeth i Munster o fewn ei afael fe fethodd O’Gara gyda gôl adlam ym munud ola’r gêm.
Mae’r Gweilch felly yn parhau i fod yn y bumed safle yng nghynghrair y Pro12, pwynt y tu ôl i’r Scarlets. Mae Munster yn aros yn y chweched safle.
