Leinster 32 – 5 Sgarlets
Ar ôl codi’n ôl i’r pedwar uchaf yng nghynghrair y Rabbo ProDirect yr wythnos diwethaf, collodd y Sgarlets yn drwm yn erbyn Leinster heno gn lithro i’r pumed safle.
Sgoriodd Andrew Goodman gais a dwy gic gosb i’r Gwyddelod, gydag Andy Fenby yn turio i’r Sgarlets i wneud y sgôr yn 11-5 i’r tîm cartref ar yr hanner.
Eilydd ar yr hanner i’r Gwyddelod oedd Ian Madigan, ond ef oedd seren y sioe wrth i Leinster sgorio 21 o bwyntiau heb ymateb gan yr ymwelwyr yn yr ail hanner.
Daeth ceisiau i Aaron Dundon, Jordi Murphy a John Cooney, gyda Madigan yn trosi pob un i roi buddugoliaeth gyfforddus i’r tîm cartref.
