Gethin Jenkins yng nghrys y Gleision
Mae prif hyfforddwr y Gleision Phil Davies wedi dweud bod y rhanbarth yn gobeithio ail arwyddo’r prop Gethin Jenkins sydd ar hyn o bryd yn chwarae i Toulon.

Fe fethodd ymgais y Gleision i’w ail arwyddo yn ystod mis Rhagfyr.

Mae Jenkins wedi ei chael yn anodd i ennill ei le yn rheolaidd yn Ffrainc gan fod y Sais Andrew Sheridan yn cael ei ddewis o’i flaen.

Ond fe berfformiodd yn dda ym muddugoliaeth Cymru yn erbyn Ffrainc ddydd Sadwrn, wrth ennill ei 96 ed cap.

Fe chwaraeodd 82 o weithiau tros y Gleision rhwng 2004 a 2012.