Wrecsam 2–2 Southport
Dwy gôl yr un oedd hi ar y Cae Ras nos Fawrth rhwng Wrecsam a Southport yn Uwch Gynghrair y Blue Square.
Fe drechodd y Dreigiau y tîm o ogledd Lloegr yn Nhlws yr FA brynhawn Sadwrn ond llwyddodd Southport i ddial dridiau’n ddiweddarach gan atal Wrecsam rhag codi i frig y Gyngres.
Roedd Wrecsam ar y blaen wedi dim ond saith munud diolch i gôl Danny Wright o ongl dynn ond roedd Southport yn gyfartal bum munud yn ddiweddarach diolch i gamgymeriad amddiffynnol Daniel Alfei.
Rhoddodd Joe Clarke y tîm cartref yn ôl ar y blaen ugain munud o’r diwedd ond unionodd yr ymwelwyr am yr eildro ddeg munud yn ddiweddarach pan rwydodd Andy Owens.
Roedd y chwaraewr reolwr, Andy Morrell, yn meddwl ei fod wedi ennill y gêm i’w dîm yn yr amser a ganiateir am anafiadau ond ni chafodd ei gôl ei chaniatáu gan ei fod yn camsefyll.
Byddai buddugoliaeth wedi codi Wrecsam yn ôl i frig y Gyngres ond rhaid iddynt fodloni ar aros yn ail am y tro, bwynt y tu ôl i Grimsby.
.
Wrecsam
Tîm: Mayebi, Ashton, Alfei, Riley, Westwood, Harris, Keates, Clarke, Hunt (Cieslewicz 60’), Wright, Rushton (Morrell 84’)
Goliau: Wright 7’, Clarke 70’
.
Southport
Tîm: McMillan, Smith, Akrigg (Chalmers 46’), Grand, Owens, Lynch (Bakare 82’), Whalley, Ledsham, Benjamin, Moogan Poku (Joyce 90)
Goliau: Ledsham 13’, Owens 81’
Cardiau Melyn: Ledsham 40’, Poku 86’, Grand 90’, Bakare 90’
.
Torf: 3,002
