Simon Church
Mae ymosodwr Cymru a Reading, Simon Church, wedi arwyddo i Huddersfield Town ar fenthyg.
Bydd Church, sy’n 23, yn dechrau ymarfer gyda’r garfan heddiw ac yn aros gyda thîm Simon Grayson am gyfnod o fis hyd at, a gan gynnwys, 8 Rhagfyr.
Mae’n debyg y bydd yr ymosodwr yn mynd yn syth i sgwad Huddersfield ar gyfer y gêm yn erbyn Barnsley yn y Bencampwriaeth ddydd Sadwrn.
Er mai dim ond unwaith y mae wedi ymddangos dros y Royals y tymor hwn, mae wedi cychwyn tair o gemau Cymru yn rowndiau rhagbrofol Cwpan y Byd, a dod ymlaen fel eilydd mewn un arall.
