Darcy Blake
Mae amddiffynnwr Cymru a Chaerdydd, Darcy Blake, mewn trafodaethau â Crystal Palace ac yn ystyried symud yno.
Cafodd hyn ei gadarnhau gan lefarydd ar ran Caerdydd neithiwr.
Fe wrthododd Darcy Blake gynnig gan Gaerdydd i ymestyn ei gytundeb â’r clwb yn gynharach y mis yma am nad yw’n sicr o’i le yn y tîm.
Serch hynny, mae’r amddiffynnwr 23 oed yn rhan allweddol o dîm Cymru – mae’n ddewis cyntaf i’r rheolwr Chris Coleman ynghanol yr amddiffyn.
Os bydd yn symud i Crystal Palace, mae’n debyg y bydd yn mynd am ffi o tua £500,000.
Ddoe, fe gadarnhaodd Caerdydd eu bod wedi arwyddo amddiffynnwr QPR Matthew Connolly.
