Mae yna amheuaeth ynglŷn â gallu’r ymosodwr Danny Graham i deithio i Blackburn ar gyfer gêm Abertawe yn Uwch Gynghrair Lloegr yfory.
Mae cyn-ymosodwr Watford yn dioddef o anaf i’w ffêr a dderbyniodd yn y gêm gyfartal yn erbyn Aston Villa y penwythnos diwethaf. Mae disgwyl i Leroy Lita gymryd ei le.
Hefyd mae’r amddiffynnwr Angel Rangel allan am fis wrth iddo yntau dderbyn anaf i’w bigwrn yn erbyn Villa, sy’n golygu cyfle i gapten Cymru dan-21 oed, Jazz Richards, gychwyn am y tro cyntaf yn yr Uwch Gynghrair.
Carfan debygol Abertawe: Vorm, Williams, Taylor, Britton, Orlandi, Graham, Sinclair, Dyer, Dobbie, Routledge, Monk, Lita, Moore, Bessone, Allen, Tremmel, Agustien, Gower, Richards, Moras.
