Joe Allen
Disgwylir i Joe Allen ddychwelyd i dîm Brendan Rodgers ddydd Sul ar gyfer gêm Abertawe’n erbyn Aston Villa yn Uwch Gynghrair Lloegr.
Mae’r chwaraewr rhyngwladol wedi derbyn clod am ei berfformiadau arbennig y tymor hwn, ond oherwydd anaf i’w groth y bu rhaid iddo eistedd ar y fainc yn erbyn Manchester United ddydd Sadwrn diwethaf.
Ond mae disgwyl iddo ddychwelyd ar gyfer yr ornest yn Stadiwm y Liberty ddydd Sul.
Mae’r amddiffynnwr Steve Caulker wedi cychwyn ymarfer ar ôl derbyn anaf i’w ben-glin, ond ni ddisgwylir iddo chwarae.
Carfan debygol Abertawe: Vorm, Williams, Taylor, Britton, Orlandi, Graham, Sinclair, Dyer, Dobbie, Routledge, Monk, Lita, Moore, Bessone, Rangel, Allen, Tremmel, Agustien, Gower, Richards, Moras.
