Craig Beattie - y stori ar wefan swyddogol Watford
Mae ymosodwr Abertawe, Craig Beattie wedi ymuno â Watford ar fenthyg nes mis Ionawr.
Fe gostiodd Beattie £800,000 i’r Elyrch pan drosglwyddodd o West Brom yn 2009 – record i’r clwb o Gymru ar y pryd.
Er hynny, nid yw’r Albanwr wedi gwneud ymddangosiad yn yr Uwch Gynghrair eleni hyd yn hyn, yn rhannol oherwydd anaf i’w ffêr, a bydd yn gobeithio cael rhywfaint o bêl-droed yn y Bencampwriaeth gyda Watford.
“Dwi wedi cwrdd â hyfforddwyr Watford ac mae’n ymddangos yn glwb braf” meddai Beattie.
“Mae’r anaf y cefais i’m ffêr yn ddiweddar wedi fy atal rhywfaint, ac rwy’n edrych ymlaen ar gyfer her yn Watford.”
“Dwi eisiau chwarae pêl-droed dîm cyntaf eto a byddai’n gwneud fy ngorau i helpu’r Hornets gymaint â phosib yn ystod y cyfnod ar fenthyg.”
