Nottingham Forest 0–1 Caerdydd
Sgoriodd Nathaniel Mendez-Laing unig gôl y gêm wrth i Gaerdydd drechu Notingham Forest oddi cartref yn y City Ground brynhawn Sadwrn.
Mae dechrau da cyfnod Neil Harris wrth y llyw yn parhau wrth i’r Adar Gleision ymestyn eu rhediad heb golli i dair gêm.
Er i Forest ddechrau’n dda, Caerdydd a aeth ar y blaen yn y charter awr cyntaf, Nathaniel Mendez-Laing yn crymanu ergyd dda heibio i Brice Samba o ochr y cwrt cosbi.
Bu rhaid i’r Adar Gleision amddiffyn am gyfnodau hir wedi hynny er i Gary Madine ddod yn agos at ddyblu mantais yr ymwelwyr o groesiad Mendez-Laing.
Ond roedd un yn ddigon wrth i dîm Neil Harris ddal eu gafael ar lechen lân a sicrhau’r tri phwynt, tri phwynt sydd yn eu codi i’r degfed safle yn y tabl.
.
Nottingham Forest
Tîm: Samba, Cash, Figueiredo, Worrall, Robinson (Mir 80’), Wtson, Silva, Lolley, Carvalho (Semedo 66’), Ameobi (Adomah 75’), Grabban
.
Caerdydd
Tîm: Etheridge, Peltier, Flint, Nelson, Bennett, Bacuna, Pack, Mendez-Laing (Paterson 80’), Tomlin, Hoilett (Morrison 86’), Madine (Ward 67’)
Gôl: Mendez-Laing 14’
Cerdyn Melyn: Madine 67’
.
Torf: 28,209
