Mae Cymdeithas Bêl-droed Cymru wedi cadarnhau fod Osian Roberts yn rhoi’r gorau i fod yn Gyfarwyddwr Technegol Ymddiriedolaeth CBDC ac yn Rheolwr Cynorthwyol tîm pêl-droed Cymru.
Fe fydd yn gadael Cymru er mwyn gwneud yr un gwaith gyda Chymdeithas Bêl-droed Moroco.
Ers ei benodiad yn 2007, mae wedi bod yn gysylltiedig â “Ffordd Gymreig” y tîm cenedlaethol o hyfforddi a chwarae.
Ers 2010, mae wedi chwarae rhan allweddol o staff hyfforddi’r tîm cenedlaethol, yn gyntaf fel Rheolwr Cynorthwyol i Gary Speed, cyn ymuno â thîm Chris Coleman yn 2014 gan gyrraedd rownd gynderfynol Ewro 2016 UEFA.
Yn 2018 cafodd ei benodi yn Hyfforddwr Cynorthwyol gan Ryan Giggs.
