Nottingham Forest 2–1 Abertawe
Ildiodd Abertawe ddwy gôl hwyr wrth golli oddi cartref yn erbyn Nottingham Forest yn y City Ground yn y Bencampwriaeth brynhawn Sadwrn.
Rhoddodd Connor Roberts yr ymwelwyr o Gymru ar y blaen chwarter awr o’r diwedd cyn i’r tîm cartref daro nôl gyda dwy yn y deg munud olaf.
Wedi hanner cyntaf di sgôr, bu rhaid aros tan chwarter awr o’r diwedd am gôl agoriadol y gêm, Roberts yn gwyro’r bêl i gefn y rhwyd yn dilyn cyd-chwarae taclus rhwng Bersant Celina a George Byers.
Ond ar ôl aros am dros dri chwarter y gêm am y gôl gyntaf, dilynodd dwy arall yn fuan wedi hynny.
Unionodd yr eilydd, Daryl Murphy, y sgôr ddeg munud o’r diwedd gyda pheniad postyn agosaf o gic gornel Joe Lolley.
A chic gornel dda arall gan Lolley a arweiniodd at gôl fuddugol Forest saith munud yn ddiweddarach, Mola Wague a’r peniad y tro hwn a’r tri phwynt yn mynd i’r tîm cartref.
Mae’r canlyniad yn gadael yr Elyrch yn bymthegfed yn y tabl gyda naw gêm yn weddill.
.
Nottingham Forest
Tîm: Pantilimon, Darikwa, Wague, Benalouane, Osborn, Yates (Tuncara Gomes 57’), Watson (Antunes Carvalho 66’), Colback, Cash, Grabban (Murphy 67’), Lolley
Goliau: Murphy 80’, Wague 87’
Cardiau Melyn: Lolley 24’, Colback 59’, Darikwa 69’
.
Abertawe
Tîm: Nordfeldt, Roberts, van der Hoorn, Carter-Vickers, Naughton, Byers (Baker-Richardson 84’), Grimes, Dyer (McKay 70’), Celina, James, McBurnie
Gôl: Roberts 76’
Cerdyn Melyn: McBurnie 40’
.
Torf: 28,469
