Caerlŷr 1–1 Abertawe
Mae rhediad da Abertawe o dan reolaeth Carlos Carvalhal yn parhau wedi gêm gyfartal yn erbyn Caerlŷr oddi cartref yn Stadiwm King Power yn Uwch Gynghrair Lloegr brynhawn Sadwrn.
Rhoddodd Jamie Vardy’r tîm cartref ar y blaen yn yr hanner cyntaf cyn i Federico Fernandez achub pwynt i’r ymwelwyr o Gymru wedi’r egwyl.
17 munud a oedd ar y cloc pan rwydodd Vardy wedi gwaith creu Kelechi Iheanacho ac felly yr arhosodd hi tan hanner amser.
Roedd yr Elyrch yn gyfartal wyth munud yn unig wedi’r ail gychwyn diolch i beniad Fernandez o groesiad Ki Sung-yueng.
Mae’r canlyniad yn codi Abertawe allan o safleoedd y gwymp ar wahaniaeth goliau gan i Stoke a Huddersfield golli. Tri phwynt yn unig sydd bellach yn gwahanu’r wyth tîm rhwng yr unfed safle ar ddeg a’r pedwerydd safle ar bymtheg yn y tabl.
.
Caerlŷr
Tîm: Schmeichel, Simpson (Okazaki 80’), Dragovic, Maguire, Fuchs, Diabate, Ndidi, Albrighton, Adrien Silva (James 68’), Vardy, Iheanacho (Gray 68’)
Gôl: Vardy 17’
Cerdyn Melyn: Diabate 3’
.
Abertawe
Tîm: Fabianski, Naughton, van der Hoorn, Fernandez, Mawson, Olsson, Fer (Carroll 36’), Ki Sung-yueng, Clucas, Dyer (Bony 71’), J. Ayew (Routledge 41’)
Gôl: Fernandez 53’
.
Torf: 31,179
