Jack Cork (Llun: Jon Candy CCA 2.0)
Mae is-gapten tîm pêl-droed Abertawe, Jack Cork wedi symud i Burnley.
Mae’n dychwelyd i gae Turf Moor saith mlynedd ar ôl treulio tymor llwyddiannus yno ar fenthyg o Chelsea, gan chwarae mewn 57 o gemau.
Mae e wedi arwyddo cytundeb pedair blynedd.
Chwaraeodd e mewn 83 o gemau i Abertawe ar ôl symud i Gymru ym mis Ionawr 2015, ac roedd yn gapten ar y tîm am rannau helaeth o’r tymor diwethaf yn absenoldeb Leon Britton.
Dywedodd Jack Cork wrth wefan Clwb Pêl-droed Burnley ei fod yn “wych” cael mynd yn ôl yno, a bod y clwb yn cynnig “her newydd” iddo fe.
