Gêm y Ganrif
Wrecsam 3 Notts County 2
Dydd Llun Y Pasg
10/04/2023
I’r Cae Ras o’r cur oesol – wedi dod
Y mae’r dorf obeithiol
I chwifio fflag ddyrchafol,
I guro gêm! Sgorio gôl!
Un gŵr all saethu fel gwn – a moliant
Paul Mullin a welwn,
Fe lwyddodd, gorfoleddwn,
Hollywood yw goliau hwn!
Foster a’i faniffesto – ymateb!
Ac o’r smotyn, safio,
Llawn o gred ei arbed o,
Byw i lwyddiant a bloeddio!
Tri-dau’n sgôr i’w glodfori – Llun y Pasg
Llawn apêl yw’r stori,
Mae’n wir fod ein Wrecsam ni
i fod i atgyfodi.
Arwel Emlyn
