Aston Villa 1–2 Abertawe
Sgoriodd un o’r brodyr Ayew yn y ddau ben wrth i Abertawe drechu Aston Villa oddi cartref brynhawn Sadwrn.
Er i Jordan Ayew roi’r tîm cartref ar y blaen ar Barc Villa, ei frawd, André a gafodd y gair olaf wrth iddo ennill y gêm i’r Elyrch dri munud o ddiwedd y naw deg.
Yn dilyn hanner cyntaf di sgôr, peniodd Jordan Ayew’r tîm cartref ar y blaen o groesiad Gabriel Agbonlahor.
Chwe munud yn unig arhosodd hi felly cyn i Gylfi Sigurdsson unioni’r sgôr gyda chic rydd gelfydd o bum llath ar hugain.
Roedd yr amser yn diflannu pan ddaeth Kyle Naughton o hyd i André Ayew yn y cwrt cosbi a rhwydodd y gŵr o Ghana i dorri calon ei frawd ac Aston Villa.
Cafodd Joleon Lescott gyfle hwyr i gipio pwynt i’r tîm cartref ond anelodd ei ergyd dros y trawst.
Mae’r canlyniad yn cadw Villa tua gwaelodion yr Uwch Gynghrair ond yn codi’r Elyrch i’r unfed safle ar ddeg.
.
Aston Villa
Tîm: Guzan, Hutton, Richards, Lescott, Richardson, Bacuna, Gueye, J Ayew, Grealish (Gil 74′), Agbonlahor (Traoré 85′), Gestede
Gôl: J. Aeyw 62’
Melyn: Richards 31’, Richardson 77’
.
Abertawe
Tîm: Fabianski, Naughton, Fernandez, Williams, Taylor, Ki Sung-yueng, Shelvey (Cork – 85′ ), Ayew, Sigurdsson, Montero (Barrow 76′), Gomis (Éder 90′)
Goliau: Sigurdsson 68’, A. Ayew
Cardiau Melyn: Naughton 29’, Williams 31’, Sigurdsson 73’
.
Torf: 33,324
