Wilfried Bony
Mae Wilfried Bony a Ki Sung-Yueng i ffwrdd ar ddyletswydd ryngwladol ac felly’n methu gêm Abertawe gartref yn erbyn West Ham yfory.
Ac mae Jonjo Shelvey wedi ei wahardd a Jefferson Montero yn parhau wedi ei anafu.
Ond mae’r wynebau newydd Nelson Oliveira a Matt Grimes ar gael.
Nid yw West Ham wedi colli’r un o’u pedair gêm ola’ yn erbyn Abertawe, gan ennill tair a chael un gêm gyfartal.
Ond nid yw’r clwb o Lundain wedi sgorio yn eu dwy gêm ola’ yn Stadiwm y Liberty.
Ac mae’r Elyrch ar rediad da, wedi ennill pedair, colli un a chael dwy ornest gyfartal yn eu saith gêm ddiwetha’.
