Southport 0–1 Wrecsam
Roedd gôl Jay Harris yn gynnar yn yr ail hanner yn ddigon i sicrhau buddugoliaeth i Wrecsam yn erbyn Southport ar Haig Avenue brynhawn Gwener.
Digon di fflach oedd yr hanner cyntaf ond wnaeth hi ddim cymryd llawer i bethau wella i’r Dreigiau wedi’r egwyl.
Roedd llai na munud o’r ail hanner wedi mynd pan ddaeth Harris o hyd i’r gornel isaf o bum llath ar hugain gyda help y postyn.
Cafodd y tîm o ogledd Cymru ambell gyfle i ddyblu’r fantais wedi hynny hefyd ond roedd un gôl yn ddigon.
Mae’r canlyniad yn cadw Wrecsam yn y deuddegfed safle yn nhabl Cyngres Vanarama.
.
Southport
Tîm: Raya Martin, Collins, Foster, McDonald, Fitzpatrick, Rutherford (Austin 66′), Joyce, George, Bakayoko, Hattersley (Marsden 68′), Brodie
Cardiau Melyn: McDonald 56’, Foster 61’, Collins 82’
.
Wrecsam
Tîm: Bachmann, Pearson, Hudson, Smith, Ashton, Carrington, Evans, Harris, Jennings, Moult (York 71′), Bishop (Hunt 46′)
Gôl: Harris 46’
Cerdyn Melyn: Smith 58’
.
Torf: 1,912
