Blaine Hudson sgoriodd yr ail i Wrecsam.
Wrecsam 2 – 2 Macclesfield
Dim ond pwynt a gafodd Wrecsam yn eu hail gêm o benwythnos gŵyl y banc yn erbyn Macclesfield.
Yr ymwelwyr aeth ar y blaen wedi 40 munud diolch i ergyd isel i gornel y rhwyd o ymyl y cwrt gan Waide Fairhurst.
Reit cyn yr hanner daeth y tîm cartref yn gyfartal wrth i Connor Jennings sgorio gyda’i ben o groesiad .
Ashton oedd y creawdwr unwaith eto i Wrecsam ar yr awr, y tro yma Blaine Hudson yn penio i’r rhwyd o’i groesiad i roi’r tîm cartref ar y blaen.
Ond doedd dim ail fuddugoliaeth o’r penwythnos i fod i dîm y Cae Ras, wrth i Paul Turnbull achub pwynt i Macclesfield chwarter awr o’r diwedd.
Mae’r canlyniad yn golygu bod Wrecsam yn disgyn dau safle i seithfed yn y Gynghres wedi 5 gêm. Halifax sydd ar y brig ar hyn o bryd gyda record 100% hyd yma.
