Mae Casnewydd allan o Gwpan y Capital One ar ôl colli 3-1 i Reading neithiwr.
Fe ddechreuodd Casnewydd y gêm yn dda gydag Yan Klukowski, Mark Byrne a Aaron O’Connor yn dod yn agos i rwydo’r bêl. Ond er gwaethaf eu hymdrechion yn gynnar yn y gêm, Reading oedd yn fuddugol.
‘‘Fe wnaethon ni chwarae’n dda yn erbyn Reading. Roedd yna adegau yn y gêm lle’r oedd Reading â meddiant am amser hir ond roedden ni’n ddigon bodlon iddyn nhw gael hynny.
“Roedd y sgôr terfynol yn siomedig ond roedden ni’n haeddu’r gôl ac yn falch o’r chwaraewyr,’’ meddai Justin Edinburgh, rheolwr Casnewydd.
