Wrecsam 0–1 Barnet
Colli fu hanes Wrecsam yn Uwch Gynghrair Skrill brynhawn Sadwrn wrth i Barnet adael y Cae Ras gyda’r tri phwynt diolch i gôl Jake Hyde.
Wrecsam oedd y tîm gorau yn yr hanner cyntaf ac fe fethodd Andy Bishop ddau gyfle da i roi’r Dreigiau ar y blaen.
Roedd yr ymwelwyr yn well wedi’r egwyl ac fe ddaeth unig gôl y gêm ddeuddeg munud o’r diwedd pan sgoriodd Hyde o groesiad Andy Yiadom.
Mae Wrecsam yn llithro i’r hanner gwaelod o ganlyniad, maent bellach yn y trydydd safle ar ddeg, ddeg pwynt o’r safleoedd ail gyfle.
.
Wrecsam
Tîm: Coughlin, Tomassen, Livesey, Ashton, Harris, Keates, Carrington, Anyinsah (Ormerod 63′), Clarke, Durrell (Thornton 80′), Bishop (Ogleby 70′)
Cerdyn Melyn: Carrington 80’
.
Barnet
Tîm: Jupp, Stephens, Gjokaj, Johnso, Weston, Cadogan, Adams (Garcia Casabella 82′), Yiadom, Byrne, Marsh-Brown (Lopez Robles 67′), Hyde (Mengerink 90′)
Gôl: Hyde 79’
Cardiau Melyn: Yiadom 22’, Byrne 83’, Cadogan 90’, Weston 90’
.
