Wrecsam 2–1 Gresley
Mae deiliaid Tlws yr FA, Wrecsam, drwodd i’r ail rownd eto’r tymor hwn ar ôl trechu Gresley yn y rownd gyntaf ar y Cae Ras brynhawn Sadwrn.
Rhoddodd Johnny Hunt y Dreigiau ar y blaen cyn i’r chwaraewr reolwr, Andy Morrell, ddyblu’r fantais ddau funud cyn yr egwyl gyda’i ail gôl mewn dwy gêm.
Fe wnaeth Royce Turville dynnu un yn ôl i Gresley chwe munud cyn y diwedd ond rhy ychydig rhy hwyr oedd hi.
Taith y Dreigiau i Wembley wedi dechrau eto felly ond mae gemau llawer pwysicach o’u blaenau yn y Gyngres cyn hynny.
