Gareth Bale
Fe ddaeth yn glir fod Manchester United wedi methu mewn ymgais i brynu’r Cymro, Gareth Bale, am £120 miliwn.
Er fod hynny’n sylweddol uwch na’r £85 miliwn a gafodd Spurs gan Real Madrid, mae’n ymddangos mai Gareth Bale ei hun oedd wedi penderfynu mynd i Sbaen.
O gyfeiriad Llywydd Real Madrid y daeth yr wybodaeth ond mae Manchester United eu hunain wedi gwrthod gwneud sylw.
Mae’r stori yn nifer o dudalennau Llundain heddiw a llawer yn ei weld yn esboniad pam fod saga’r trosglwyddo wedi para cyhyd.
Ar hyn o bryd, mae Gareth Bale yn ymladd i ddod tros anaf er mwyn chwarae ei ail gêm tros Real Madrid yn eu darbi lleol yn erbyn Atletico Madrid.
