Mark Cavendish
Y gwibiwr o Ynys Manaw, Mark Cavendish oedd y cyntaf dros y llinell yn yr unfed cymal ar ddeg o’r Tour de France heddiw.
Dyma’r deunawfed cymal iddo’i ennill yn y Tour ac mae bellach yn gwisgo’r crys gwyrdd am y beiciwr sy’n casglu’r nifer uchaf o bwyntiau.
Roedd yn rhaid i Cavendish setlo am yr ail safle ddoe ar ôl iddo golli i André Greipel, a’r un beicwyr oedd y ddau gyntaf dros y llinell heddiw, ond mai’r Prydeiniwr oedd yn gyntaf yn Lavaur.
Cymro’n saff
Gorffennodd y Cymry Geraint Thomas yn saff yn bedwerydd ar hugain ac yng nghanol y Peloton gyda’r un amser â Cavendish.
Er hynny, mae wedi llwyddo i godi un safle i rif 31 yn y ras.
Thomas Voeckler o Team Europcar sy’n dal i arwain y ras – mae Thomas 5 munud a 51 eiliad tu ôl i’r arweinydd.
