S
goriodd Devils Caerdydd dair gôl mewn tair munud i sicrhau buddugoliaeth o 4-1 yn erbyn Fife yn y brifddinas nos Sul.
Sgoriodd Leigh Salters y gôl agoriadol toc wedi pum munud ar ôl dechrau’r ornest, wrth i Joey Martin ychwanegu’r ail gôl lai na munud yn ddiweddarach gyda chymorth Salters ac Andrew Hotham.
Dwy funud yn ddiweddarach, cyfunodd Martin a Salters i greu trydedd gôl i’r Devils a gôl gyntaf Guillaume Doucet.
Sgoriodd y Fife Flyers wedi chwe munud o’r ail gyfnod wrth i Nico Saccetti ddarganfod y rhwyd.
Ond tarodd y Devils yn ôl bron ar unwaith i ymestyn eu mantais wrth i Hotham sgorio’r bedwaredd gôl wedi 38 munud a 35 eiliad.
Cyn diwedd yr ornest, daeth cyfle o ergyd gosb i Joey Haddad, ond cafodd yr ergyd ei harbed gan David Brown wedi 53 munud.
Cafodd Hotham ei enwi’n seren yr ornest.
