Bydd y ddau Gymro Mark Williams a Michael White yn herio’i gilydd yn rownd gyntaf Pencampwriaeth Snwcer y Byd yn y Crucible yn Sheffield.
Williams, sy’n hanu o bentref Cwm yng Ngwent, yw’r unig Gymro ymhlith y prif ddetholion.
Chwe Chymro sydd yn y rownd gyntaf, sef y nifer fwyaf ers 1990 pan oedd wyth – Mark Bennett, Tony Chappel, Terry Griffiths, Wayne Jones, Darren Morgan, Doug Mountjoy, Steve Newbury a Cliff Wilson.
Roedd pump i gyd yn 2012, sef Dominic Dale, Ryan Day, Jamie Jones, Matthew Stevens a Mark Williams.
Yng ngemau’r Cymry eraill yn y rownd gyntaf eleni, bydd Jamie Jones yn herio’r Sais Mark Selby, Jackson Page yn wynebu Sais arall Barry Hawkins, Matthew Stevens yn erbyn y Sais Jack Lisowski, a Jamie Clark yn mynd benben â Zhao Xintong o Tsieina.
Bydd y rownd gynta’n dechrau ddydd Sadwrn (Ebrill 16).
_2015-02-05_02.jpg){kind=link}