Cafodd Gerwyn Price a Jonny Clayton noson siomedig yng Nghaerwysg neithiwr (nos Iau, Mawrth 3), wrth iddyn nhw golli yn rownd wyth olaf pedwaredd noson Uwch Gynghrair Dartiau’r PDC.
Yr Iseldirwr Michael van Gerwen gipiodd y tlws ar ôl curo’r Albanwr Peter Wright o 6-0 yn y rownd derfynol.
Roedd e eisoes wedi curo Clayton, y Cymro Cymraeg o Bontyberem, ynghyd â Michael Smith wrth iddo barhau i wella wrth i’r noson fynd yn ei blaen.
Dim ond tair gêm gollodd e ar y noson, ac mae e bellach yn yr ail safle yn y gynghrair, un pwynt y tu ôl i Wright.
Mae’r Albanwr ar y brig o hyd ar ôl curo Price a James Wade ar ei ffordd i’r rownd derfynol.
Fe hefyd yw pedwerydd enillydd un o’r nosweithiau eleni, gyda Wright, Clayton a Price i gyd wedi ennill un noson yr un.
Canlyniadau
Rownd yr wyth olaf
Jonny Clayton 1-6 Michael van Gerwen
Michael Smith 6-5 Joe Cullen
Gerwyn Price 2-6 Peter Wright
James Wade 6-4 Gary Anderson
Y rownd gyn-derfynol
Michael van Gerwen 6-2 Michael Smith
Peter Wright 6-2 James Wade
Y rownd derfynol
Michael van Gerwen 6-0 Peter Wright
