Mae Cymru’n herio Tsieina B ar eu tomen eu hunain yn rownd gyn-derfynol Cwpan Snwcer y Byd yn Wuxi heddiw.
Cyrhaeddodd Mark Williams a Michael White y rownd gyn-derfynol wedi iddyn nhw guro Gwlad Thai o 4-1 yn rownd yr wyth olaf.
Heddiw, maen nhw’n herio Zhou Yuelong a Yan Bingtao, oedd wedi curo Awstralia yn rownd yr wyth olaf.
Dydy Cymru ddim wedi colli eto yn y gystadleuaeth.
Cafodd y ffefrynnau a deiliaid Cwpan y Byd, Tsieina A – Ding Junhui a Xiao Guodong – eu curo 4-1 gan yr Alban (John Higgins a Stephen Maguire) yn rownd yr wyth olaf.
Yn yr ornest arall yn y rownd gyn-derfynol, mae’r Alban wedi curo India o 4-3.
Yn cystadlu dros India roedd Pankaj Advani ac Aditya Mehta, yr unig chwaraewr Indiaidd proffesiynol.
Bydd y rownd derfynol yn cael ei chynnal yn ddiweddarach heddiw.
Canlyniadau Cymru hyd yma:
5-0 v Pacistan
4-1 v Gwlad Pwyl
4-1 v Qatar
4-1 v Gogledd Iwerddon
3-2 v Awstralia
4-1 v Gwlad Thai