Mark Cavendish
Collodd Mark Cavendish gymal diweddaraf y canfed Tour de France o drwch blewyn i Marcel Kittel.
Roedd Cavendish ar y blaen i Gert Steegmans am dipyn o’r ras cyn i Kittel ddod o’r cefndir i ennill y cymal.
Hanner olwyn oedd ynddi ar y llinell derfyn.
Pe bai Cavendish wedi ennill y cymal, fe fyddai wedi bod yn gyfartal â Andre Leducq yn y trydydd safle ar restr y nifer fwyaf o gymalau sydd wedi cael eu hennill yn hanes y Tour.
Mae Peter Sagan, orffennodd y ras yn y trydydd safle, 96 pwynt ar y blaen i Cavendish yn y frwydr am y crys gwyrdd.
Mae Chris Froome o Byrdain 3 munud 25 eiliad ar y blaen yn y dosbarth cyffredinol.
Cafodd Cavendish ddiwrnod siomedig arall yn dilyn diwrnod o ffraeo ddoe.
Roedd rhai yn beio Cavendish am wrthdrawiad echdoe gyda Tom Veelers ar ddiwedd y degfed cymal, ac fe gafodd wrin ei dywallt arno gan gefnogwr ar ymyl y ffordd ger Mont-Saint-Michel ddoe.
