Mae’r pyndit John Hartson wedi ymateb i sylwadau gohebydd a feirniadodd safon ei Gymraeg.
Dywedodd Hartson, a sgoriodd 14 gôl mewn 51 o gemau i Gymru, ei fod yn “falch iawn” o roi ei orau wrth siarad yr iaith.
Roedd o hefyd yn dweud, gyda thafod yn y boch, ei fod yn siarad Cymraeg gyda “thipyn o wenglish” – sef y rheswm pam bod y gohebydd, Rob Harries, yn anhapus.
Siarad Cymraeg heno gyda thipyn o wenglish!!! Balch iawn rhowch fy mhopeth Bob amser.. @sgorio @robharries83 ???????????
— John Hartson (@JohnHartson10) October 11, 2021
Yn y post gwreiddiol ar Twitter, roedd Harries, sy’n ohebydd gyda’r Western Mail, yn nodi bod Hartson yn siarad ar S4C mewn “hanner Saesneg,” a bod hynny’n anodd i siaradwr rhugl i ddilyn.
Roedd yn galw am siaradwr sy’n fwy rhugl i wneud y gwaith dadansoddi ar raglen Sgorio, er bod Hartson wedi chwarae ar bron bob lefel o bêl-droed, yn cynnwys Uwchgynghrair Lloegr a Chynghrair y Pencampwyr.
Mae golwg360 wedi gofyn i Rob Harries am ymateb pellach i’w sylwadau.
Literally half the words John Hartson uses on S4C are English.
Can’t they get a Welsh speaker?
— Rob Harries (@robharries83) October 8, 2021
Fe gafodd hynny ymateb chwyrn gan sawl un ar gyfryngau cymdeithasol, a oedd yn flin bod Harries wedi dangos diffyg cefnogaeth i bobol fel Hartson.
Roedd nifer yn honni bod y nifer helaeth o siaradwyr Cymraeg bellach yn defnyddio geiriau Saesneg wrth siarad yr iaith ar lafar, a bod Hartson yn adlewyrchu’r grŵp hynny o siaradwyr.
Mae John Hartson yn arwr. Mae’n Gymro sy’n siarad Cymraeg yn hyderus a naturiol. Absolute legend who proudly speaks Welsh fluently & naturally. Honoured to have been able to interview him – in Welsh & English – several times. Think carefully before discouraging Welsh speakers. ? https://t.co/4jnYVeJC9t pic.twitter.com/OIy7AgjKoo
— Rhun ap Iorwerth (@RhunapIorwerth) October 9, 2021
If your Welsh is not of the highest standard, my god it takes guts to go on TV and speak it , but with encouragement and practice it will get better. Get criticised , it won't.
Anyone willing to give it a go has my respect and thanks.
We need to encourage more like John Hartson— Dic Penderyn ??????? (@cymrocarn) October 9, 2021
Roedd S4C hefyd wedi ymateb, gan ddweud bod John Hartson yn “sylwebydd profiadol sydd â hygrededd a dealltwriaeth wych o bêl-droed,” gan ychwanegu eu bod yn “falch” o’i gael yn rhan o’r tîm.
Bydd John Hartson yn ymddangos ar raglen Sgwrs o dan y Lloer heno (11 Hydref) am 22:00, yn dilyn gêm Cymru v Estonia ar S4C.
Darllenwch y stori wreiddiol ar ein gwefan yn fan hyn:
