Lewis Collins
Mae’r actor a seren The Professionals, Lewis Collins, wedi marw yn 67 oed yn ôl ei asiant heddiw.
Bu farw’r actor, a chwaraeodd rhan Bodie yn y ddrama blismyn, gyda Martin Shaw, yn Los Angeles ddoe ar ôl brwydr â chanser ers pum mlynedd.
Roedd The Professionals, a ddaeth a Lewis Collins a Martin Shaw i amlygrwydd, yn llwyddiant ysgubol ar ITV yn y 1970au hwyr a’r 1980au cynnar.
Cafodd Lewis Collins ei eni ar Lannau Mersi a bu’n gweithio fel drymiwr mewn bandiau lleol ac fel torrwr gwallt cyn troi ei law at actio.
