Clawr Uwchben y Drefn
Dros y penwythnos fe lansiodd y Sibrydion eu halbwm newydd ‘Uwchben y Drefn’.
Hwn yw pedwerydd albwm stiwdio’r grŵp, yn dilyn dau Gymraeg JigCal (2005) a Simsalabim (2007), a’r un Saesneg, Campfire Classics (2009).
Maen nhw wedi penderfynu i ryddhau Uwchben y Drefn ar eu label eu hunain, sef JigCal.
Gigs lansio – gogledd a de
Fe lansiwyd yr albwm gyda dwy gig gefn wrth gefn, y gyntaf nos Wener yng Nghaernarfon, a’r ail yng Nghlwb Ifor Bach Caerdydd nos Sadwrn.
Aeth y gigs yn dda iawn yn ôl Osian Gwynedd o’r grŵp.
“Mae di bod yn dipyn o benwythnos i ddeud y lleiaf” meddai Osian Gwynedd wrth Golwg360.
Albwm amrywiol
Mae’r albwm diweddaraf yn cynnwys 13 o draciau newydd sbon, ac mae caneuon bachog fel ‘Cadw’r Blaidd o’r Drws’ a ‘Dawns y Dwpis’ yn siŵr o fod yn ffefrynnau.
Mae caneuon yr albwm yn cyfuno pob math o genres cerddorol, a dyma record fwyaf amrywiol y band hyd yn hyn.
Gellir prynu’r albwm newydd ar wefan newydd y grŵp, www.jigcal.com, ac maent yn chwarae nifer o gigs i hyrwyddo’r cynnyrch newydd rhwng hyn a diwedd yr haf.
Gigs haf y Sibrydion
29 Gorffennaf – Gŵyl y Glaw, Blaenau Ffestiniog
31 Gorffennaf – Gŵyl Rheola, Resolven
01 Awst – Maes C, Eisteddfod Genedlaethol Wrecsam
06 Awst – Maes B, Eisteddfod Genedlaethol Wrecsam
10 Medi – Gŵyl Gwydir, Llanrwst
25 Medi – Neuadd Gerddoriaeth y Mileniwm, Caerdydd
