Gruff Rhys
Roedd y Super Furry Animal, Gruff Rhys, yn perfformio set hanner awr o ganeuon ar faes yr Eisteddfod y prynhawn ddoe i hyrwyddo lansiad y ffilm ‘I Grombil Cyfandir Pell’ ar S4C ym mis Medi.
Rhoddod y canwr hefyd gyflwyniad sioe sleidiau o’r cymeriad chwedlonol, John Evans, sydd yn sail i’w brosiect amlgyfrwng ar stondin S4C.
Yn cyfeilio Gruff Rhys roedd y drymiwr Kliph Scurlock, gynt or grwp roc seicadelig The Flaming Lips.
Tra’r oedd ar y maes fe gymerodd Gruff Rhys hefyd ran mewn sesiwn holi ag ateb gyda’r cyflwynydd radio Huw Stephens yng nghaffi Maes B.
Fideo o Gruff Rhys yn perfformio’r gân I Grombil Cyfandir Pell:
