Wynne Go Compare yn codi bawd ar yr Urdd!

Mae wyneb – a llais – cyfarwydd iawn i’w weld yn crwydro cefn llwyfan Eisteddfod yr Urdd heddiw.

Yn codi bawd ar ohebwyr golwg360 ar y Maes, mae Wynne Evans – y tenor o Gaerfyrddin sydd wedi gwneud enw iddo’i hun fel llais hysbysebion yswiriant ‘Go Compare’ ar y teledu.

Gobeithio fod Wynne – sydd, wrth bortreadu’r canwr opera, Gio Compario – yn codi gwrychyn a mynd ar nerfau nifer o bobol, yn cynnwys y gwyddonydd, Stephen Hawking – wedi sylwi ar yr arwydd ar y wal. “Tawelwch!”