Bydd seremoni arbennig yn cael ei chynnal ym Mae Caerdydd heno (nos Iau, Ebrill 11) er mwyn gwobrwyo perfformwyr y sin gerddoriaeth gwerin a thraddodiadol yng Nghymru.

Dyma fydd y tro cyntaf i Wobrau Gwerin Cymru gael ei gynnal, ac fe fydd yn anrhydeddu perfformwyr o Gymru sydd wedi creu argraff yn y maes canu traddodiadol yng ngwledydd Prydain a thu hwnt.

Bydd yr enillwyr yn cael eu dewis o restr hir ar ôl iddyn nhw gael eu henwebu gan wahanol unigolion a sefydliadau, gan gynnwys trefnwyr clybiau a gwyliau, darlledwyr a cherddorion.

Ymhlith y llu o wobrau fydd ar gael heno, gan gynnwys ‘Y Perfformiad Byw Gorau’, ‘Y Grŵp Gorau’, a’r ‘Artist Unigol Gorau’, mae’r trefnwyr hefyd am gyflwyno Gwobr Cyflawniad Oes a ‘Gwobr Gwerin’.

Mae’r ‘Wobr Gwerin’ yn agored i bawb, yn enwedig i gerddorion sydd ddim yn gweithio’n broffesiynol, ac fe fydd yn cael ei chyflwyno eleni i’r casgliad gorau o dair tôn wreiddiol.

Y Gwobrau – rhestr fer

Y grŵp gorau

  • Alaw
  • Calan
  • Jamie Smith’s Mabon
  • VRï

Yr artist/band gorau sy’n dechrau dod i’r amlwg

  • NoGood Boyo
  • Tant
  • The Trials of Cato
  • VRï

Y gân wreiddiol orau

  • ‘Bendigeifran’ – Lleuwen
  • ‘Cân y Cŵn’ – Gwyneth Glyn
  • ‘Sŵn ar Gardyn Post’  – Bob Delyn a’r Ebillion
  • ‘Y Gwyfyn’ – The Gentle Good

Y trac offerynnol gorau

  • ‘Cyw Bach’ – VRï
  • ‘Dawns Soïg/Dawns y Gŵr Marw’ – Alaw
  • ‘Diddanwch Gruffydd ap Cynan’ – Delyth ac Angharad
  • ‘Mayfair at Rhayader 1927 – Toby Hay

Yr artist unigol gorau

  • Cynefin
  • Gwilym Bowen Rhys
  • Gwyneth Glyn
  • The Gentle Good

Yr albwm gorau

  • Dal i ´Redig Dipyn Bach – Bob Delyn a’r Ebillion
  • Llinyn Arian – Delyth ac Angharad
  • Solomon – Calan
  • Tŷ yn ein Tadau – VRï

Y gân Gymraeg draddodiadol orau

  • ‘Ffoles Llantrisant’ – VRï
  • ‘Lliw Gwyn’ – Pendevig
  • ‘Santiana’ – Alaw gyda Gwilym Bowen Rhys
  • ‘Y Mab Penfelyn’ – Bob Delyn a’r Ebillion

Y gân Saesneg wreiddiol orau

  • ‘Fall and Drop’ – Tagaradr
  • ‘Far Ago’ – Gwyneth Glyn
  • ‘Here Come the Young – Martyn Joseph
  • ‘These Are the Things’ – The Trials of Cato

Y perfformiad byw gorau

  • Calan
  • Jamie Smith’s Mabon
  • Pendevig
  • Yr Hwntws

Bydd y seremoni yng Nghanolfan y Mileniwm yn cael ei darlledu ar BBC Radio Cymru a BBC Radio Wales, ac mae disgwyl perfformiadau byw gan The Trials of Cato, Gwilym Bowen Rhys, VRï a Calan drwy gydol y noson.