Mae S4C wedi llongyfarch pedair enillydd yng ngwobrau BAFTA Cymru neithiwr (nos Sul, Hydref 24).
Enillodd y sianel bedair gwobr wrth i’r gwobrau gael eu cyhoeddi mewn seremoni ar-lein gydag Alex Jones yn cyflwyno.
Roedd dathlu mawr yng Nghaernarfon wrth i’r gyfres ddogfen bry ar y wal Dolig Ysgol Ni: Maesincla (Cwmni Darlun) gipio’r Rhaglen Adloniant Orau.
Rydyn ni wir wedi cael ein difyrru! Llongyfarchiadau enfawr i'r tîm. Producer Ffion Jon gives thanks to all those involved with Dolig Ni: Maesincla including “the children, the stars themselves – the best children in the world!” #CymruAwards pic.twitter.com/uB6dIzEOB5
— BAFTA Cymru (@BAFTACymru) October 24, 2021
Llwyddodd cyfres boblogaidd Deian a Loli (Cwmni Da) i ennill gwobr y Rhaglen Blant Orau.
Enillodd rhaglen Pawb a’i Farn (Tinopolis) y wobr yn y categori Newyddion a Materion Cyfoes am rifyn arbennig ar Black Lives Matter.
Yn ogystal, llwyddodd Michael Kendrick Williams i ennill y wobr Torri Trwodd am ei waith ar gynhyrchiad Britannia: Tân ar y Bont (Rondo Media).
‘Ymroddiad a chreadigrwydd y sector’
“Ry’n ni wrth ein bodd o ennill pedair gwobr BAFTA Cymru heno,” meddai Amanda Rees, Cyfarwyddwr Cynnwys S4C.
“Eleni eto mae llwyddiannau S4C yn dyst i ymroddiad a chreadigrwydd y sector.
“Mae amryw o unigolion a chwmnïau cynhyrchu talentog yn creu cynnwys o’r safon uchaf all gydio yn nychymyg y gwylwyr.
“Llongyfarchiadau mawr i’r enillwyr i gyd.”
