Bangor – y rhediad ar ben

Prestatyn 4 Dinas Bangor 2

Fe ddaeth rhediad diguro Bangor i ben yng ngêm gynta’r flwyddyn newydd wrth iddyn nhw golli 4-2 ym Mhrestatyn.

Roedd pethau wedi dechrau’n dda i dîm y ddinas wrth i Jamie Reed eu rhoi nhw ar y blaen yn gynnar.

Ond fe ildiodd Bangor ddwy gôl yn y chwarter awr ola’ i golli eu gêm gynta’ yn y Gynghrair y tymor hwn.

Roedd Prestatyn wedi taro’n ôl yn yr hanner cyntaf gyda goliau gan gyn-ffefryn Bangor, Lee Hunt, a Ross Stephens, i’w rhoi 2-1 ar y blaen ar yr egwyl.

Am gyfnod, roedd hi’n ymddangos bod ail gôl Reed wedi arbed pwynt i’r ddinas ond fe drawodd yr hen ben Steve Rogers ar y diwedd, gyda goliau ar ôl 77 ac 88 munud.

Llun: Y dathlu ar ben (o wefan y clwb)

Poblogaidd

Swyddi

Trydan Gwyrdd Cymru

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

← Stori flaenorol

golwg+

20:1

Betsan Moses

Mae Prif Weithredwr yr Eisteddfod Genedlaethol yn edrych ymlaen at “binacl” yr Eisteddfod AmGen

Stori nesaf →

Archif

Arestio pedwar tros ladradau o garejys

Heddlu’n apelio am wybodaeth wrth i ymchwiliadau barhau

Hefyd →

Archif

Dream Alliance yn ôl yng Nghas-gwent

Fe fydd enillydd diwethaf Grand National Cymru yn dychwelyd i faes ei gamp enwog fory i geisio ail-adrodd hanes.

Mae’r trefnwyr yn hyderus y bydd ras fwya’ Cymru yn mynd yn ei blaen ar yr ail gynnig, er gwaetha’ ychydig ofnau am y tywydd y bore yma.

Fe ennillodd Dream Alliance Grand National Cymru yn 2009 lai na dwy flynedd ar ôl dod yn agos at gael ei roi i lawr.

Torri tennyn

Fe dorrodd dennyn yn y Grand National yn Aintree yn 2008 a dim ond triniaeth bôn gelloedd a lwyddodd i’w achub.

Ond roedd criw o 23 o bobol leol yng Nghefn Fforest ger y Coed Duon, sy’n berchnogion ar Dream Alliance, wedi talu £20,000 am lawdriniaeth flaengar i achub ei yrfa.

Er iddo ennill yng Nghas-gwent yn 2009 mae’r ceffyl wedi cael trafferth cynnal ei lwyddiant ac mae wedi methu â gorffen ei dair ras ddiweddaraf.

Bwcis

Mae ei berfformiadau diweddar yn cael eu hadlewyrchu yn ei bris betio gyda nifer o’r bwcis yn ei osod ar 14/1.

Bu’n rhaid gohirio Grand National Cymru 2010 o’r dyddiad gwreiddiol ar 27 Rhagfyr oherwydd y tywydd gaeafol.

Fe fydd Personoliaeth Chwaraeon y Flwyddyn y BBC, Tony McCoy, yn cystadlu ar gefn y ffefryn Synchronised.

Llun: Y ffefryn – A.P. ‘Tony’ McCoy (pbase CCA 3.0)

Bangor – y rhediad ar ben

Colli yng ngêm gynta’r flwyddyn newydd

Poblogaidd

Swyddi

Arweinydd Cysylltiadau Grid

Rheolwr Prosiect

Ymchwilydd

Hwylusydd Prosiect

Asesydd Allanol – Iechyd a Gofal Cymdeithasol CC (Cymraeg yn Ddymunol)

Is-ddatblygwr Meddalwedd