Port Talbot 0-2 Llanelli
Mae Llanelli wedi ennill eu lle yn rownd cyn derfynol Cwpan Cynghrair Loosemores gyda buddugoliaeth hwyr yn erbyn Port Talbot.
Roedd tîm Andy Legg ar ei hôl hi 2-1 yn y cymal cyntaf ac roedd rhaid iddyn nhw ennill o ddwy gôl i sicrhau eu lle yn y rownd nesaf.
Fe aeth yr ymwelwyr ar y blaen wedi deg munud o’r ail hanner ar ôl i amddiffynnwr Port Talbot, Lee Surman benio croesiad Chris Venables i gefn ei rwyd ei hun.
Ond fe ddaliodd Port Talbot ymlaen tan bedair munud o amser ychwanegol, pan darodd Ross Jones y bêl yn isel heibio i Lee Kendall er mwyn sgorio’r ail gôl allweddol.
