Mae gan un ym mhob 13 o bobol y byd gyfrif ar Facebook erbyn hyn.
Cyhoeddodd y wefan ddoe eu bod nhw wedi cyrraedd 500 miliwn o ddefnyddwyr, a bod disgwyl iddyn nhw gyrraedd 1 biliwn yn 2011.
“Ers y bore ma, mae 500 miliwn o bobol o bob cwr o’r byd yn defnyddio Facebook i gadw mewn cysylltiad gyda’i gilydd,” meddai prif weithredwr Facebook, Mark Zuckerberg.
Dim ond ym mis Mehefin 2009 y cyrhaeddodd y wefan 250 miliwn o ddefnyddwyr, gan awgrymu bod ei boblogrwydd wedi cyflymu dros amser.
Cafodd Facebook ei greu yn 2004. Mae’r pencadlys yn Palo Alto, California.
