Y Cymro, Geraint Thomas, yw’r ail berson cyflyma’ yn y byd ar feic tros 4 km.

Fe gafodd yr ail amser cyflyma’ erioed ar ei ffordd i ennill y teitl ym Mhencampwriaeth Trac y Byd ym Manceinion.

Fe ddaeth ei amser gorau o 4m 15.05 eiliad yn y rownd gyn derfynol ac aeth yn ei flaen wedyn i ennill yn y ffeinal.

Mae arbenigwyr yn amau a fydd y Cymro’n gallu torri record Chris Boardman o 4m 11 eiliad – ar y pryd, roedd y pencamwpr Olympaidd yn defnyddio dull sydd bellach yn anghyfreithlon.

Llun gan Adam Brooks (CCA3.0)