Tair i’r troellwyr

Roedd yna dair wiced yr un i ddau droellwr Morgannwg wrth i’r gêm bencampwriaeth yn erbyn Essex bendilio un ffordd a’r llall.

Erbyn y diwedd, roedd y Saeson ar 277 am 7 wrth ateb sgôr Morgannwg o 311 yn y batiad cynta’. Mae’r ddau dîm angen buddugoliaeth i gynnal eu gobaith o godi i’r Adran Gyntaf.

Fe ddaeth Robert Croft yn agos at wiced sawl tro cyn cael cyfnod rhyfeddol o dair wiced am saith rhediad o fewn 14 pelen. Aeth hynny ag Essex o 98 heb golled i 107 am 3.

Ar ôl hynny, y troellwr arall, Dean Cosker, a wnaeth y difrod gydag un wiced hefyd i Jim Allenby.

Roedd yna ddau ddigwyddiad pwysig ar ddechrau’r chwarae – y batiwr, Gareth Rees, yn cael ei gap i Forgannwg ar ôl storio cant yn y batiad cynta’ … a’r newydd y bydd dwy gêm brawf 20/20 rhwng Lloegr a Phacistan yn Stadiwm Swalec y flwyddyn nesa’.

Llun: Robert Croft

Poblogaidd

Swyddi

Tinopolis

Ymchwilydd

YTC 4 Llan CLT

Hwylusydd Prosiect

City And Guilds

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

Is-ddatblygwr Meddalwedd

Menter Iaith Conwy

Swyddog Ardal Wledig (Dyffryn Conwy)

← Stori flaenorol

golwg+

Pêl-droed

Cefnogwr Caerdydd yn canmol rheolwr Abertawe

Phil Stead

Rydw i’n edmygu Steve Cooper yn fawr iawn. Mae o’n datblygu rhywbeth arbennig yn Abertawe.

Stori nesaf →

Archif

Y Gleision yn colli eto

Y dechrau gwael i’r tymor yn parhau yn erbyn Munster

Hefyd →

Archif

Dream Alliance yn ôl yng Nghas-gwent

Fe fydd enillydd diwethaf Grand National Cymru yn dychwelyd i faes ei gamp enwog fory i geisio ail-adrodd hanes.

Mae’r trefnwyr yn hyderus y bydd ras fwya’ Cymru yn mynd yn ei blaen ar yr ail gynnig, er gwaetha’ ychydig ofnau am y tywydd y bore yma.

Fe ennillodd Dream Alliance Grand National Cymru yn 2009 lai na dwy flynedd ar ôl dod yn agos at gael ei roi i lawr.

Torri tennyn

Fe dorrodd dennyn yn y Grand National yn Aintree yn 2008 a dim ond triniaeth bôn gelloedd a lwyddodd i’w achub.

Ond roedd criw o 23 o bobol leol yng Nghefn Fforest ger y Coed Duon, sy’n berchnogion ar Dream Alliance, wedi talu £20,000 am lawdriniaeth flaengar i achub ei yrfa.

Er iddo ennill yng Nghas-gwent yn 2009 mae’r ceffyl wedi cael trafferth cynnal ei lwyddiant ac mae wedi methu â gorffen ei dair ras ddiweddaraf.

Bwcis

Mae ei berfformiadau diweddar yn cael eu hadlewyrchu yn ei bris betio gyda nifer o’r bwcis yn ei osod ar 14/1.

Bu’n rhaid gohirio Grand National Cymru 2010 o’r dyddiad gwreiddiol ar 27 Rhagfyr oherwydd y tywydd gaeafol.

Fe fydd Personoliaeth Chwaraeon y Flwyddyn y BBC, Tony McCoy, yn cystadlu ar gefn y ffefryn Synchronised.

Llun: Y ffefryn – A.P. ‘Tony’ McCoy (pbase CCA 3.0)

Tair i’r troellwyr

Morgannwg ac Essex ysgwydd wrth ysgwydd mewn gêm dyngedfennol

Poblogaidd

← Stori flaenorol

Stori nesaf →

Hefyd →