Cyn-delynores y Tywysog o flaen ei gwell

Bydd cyn-delynores y Tywysog Charles, sy’n wreiddiol o Lyn Ebwy, yn ymddangos gerbron llys yn yr Hydref, ar ôl pledio’n ddieuog i sawl achos o dorri i mewn a dwyn.

Chwaraeodd Jemima Phillips, 27 oed, ym mhriodas y Tywysog a Duges Cernyw ac ym mhriodas ŵyr y Frenhines, Peter Williams.

Mae hi’n gwadu cymryd waledi, ffonau symudol a gitâr yn ystod y lladradau honedig.

Yn Llys y Goron Caerloyw heddiw, fe blediodd y delynores a William Davies, 40 oed o Cheltenham, yn ddieuog i bob cyfrif yn eu herbyn.

Fe wnaeth y delynores bledio’n euog i gyhuddiad arall o dwyll, ar ôl ceisio tynnu arian o gymdeithas adeiladu’r Nationwide dan yr enw Heather Gilmore.

Cafodd Jemima Phillips ei rhyddhau ar fechnïaeth.

Poblogaidd

Swyddi

Yr Eglwys yng Nghymru

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

← Stori flaenorol

golwg+

Pêl-droed

Cefnogwr Caerdydd yn canmol rheolwr Abertawe

Phil Stead

Rydw i’n edmygu Steve Cooper yn fawr iawn. Mae o’n datblygu rhywbeth arbennig yn Abertawe.

Stori nesaf →

Archif

Caniatáu codi hen byst y Strade

Eu rhoi nhw ar gylchfan gerllaw stadiwm newydd y Scarlets

Hefyd →

Archif

Dream Alliance yn ôl yng Nghas-gwent

Fe fydd enillydd diwethaf Grand National Cymru yn dychwelyd i faes ei gamp enwog fory i geisio ail-adrodd hanes.

Mae’r trefnwyr yn hyderus y bydd ras fwya’ Cymru yn mynd yn ei blaen ar yr ail gynnig, er gwaetha’ ychydig ofnau am y tywydd y bore yma.

Fe ennillodd Dream Alliance Grand National Cymru yn 2009 lai na dwy flynedd ar ôl dod yn agos at gael ei roi i lawr.

Torri tennyn

Fe dorrodd dennyn yn y Grand National yn Aintree yn 2008 a dim ond triniaeth bôn gelloedd a lwyddodd i’w achub.

Ond roedd criw o 23 o bobol leol yng Nghefn Fforest ger y Coed Duon, sy’n berchnogion ar Dream Alliance, wedi talu £20,000 am lawdriniaeth flaengar i achub ei yrfa.

Er iddo ennill yng Nghas-gwent yn 2009 mae’r ceffyl wedi cael trafferth cynnal ei lwyddiant ac mae wedi methu â gorffen ei dair ras ddiweddaraf.

Bwcis

Mae ei berfformiadau diweddar yn cael eu hadlewyrchu yn ei bris betio gyda nifer o’r bwcis yn ei osod ar 14/1.

Bu’n rhaid gohirio Grand National Cymru 2010 o’r dyddiad gwreiddiol ar 27 Rhagfyr oherwydd y tywydd gaeafol.

Fe fydd Personoliaeth Chwaraeon y Flwyddyn y BBC, Tony McCoy, yn cystadlu ar gefn y ffefryn Synchronised.

Llun: Y ffefryn – A.P. ‘Tony’ McCoy (pbase CCA 3.0)

Cyn-delynores y Tywysog o flaen ei gwell

Gwadu cyhuddiadau o dorri i mewn a dwyn

Poblogaidd

Swyddi

Cynhyrchydd Cynnwys Digidol

Arweinydd Cysylltiadau Grid

Rheolwr Prosiect

Ymchwilydd

Hwylusydd Prosiect

Asesydd Allanol – Iechyd a Gofal Cymdeithasol CC (Cymraeg yn Ddymunol)

Is-ddatblygwr Meddalwedd