Christina Grimmie (llun o Wikipedia CC 2.0)
Mae cantores 22 oed sy’n adnabyddus ar YouTube ac a fu’n cystadlu ar raglen The Voice wedi cael ei saethu’n farw mewn cyngerdd yn America.
Roedd Christina Grimmie newydd ddod oddi ar y llwyfan yn The Plaza Live yn Orlando, Florida, pan ymosododd y dyn arfog arni.
Yn ôl yr heddlu, fe wnaeth yr ymosodwr saethu ei hun yn farw yn fuan wedyn.
Roedd y gantores ifanc o New Jersey wedi denu miliynau o ddilynwyr gyda’i fideos ar YouTube, a daeth yn drydydd yn fersiwn America o The Voice yn 2014.
