Yr awyren filwrol ar ol cael ei saethu gan Dwrci
Mae peilot o Rwsia yn nwylo byddin Syria ar ôl i awyren gael ei saethu i lawr gan Dwrci, yn ôl awdurdodau Rwsia.
Dywedodd un o lysgenhadon Rwsia yn Ffrainc, Alexander Orlov fod un o’r peilotiaid wedi cael ei anafu a’i ladd gan ‘jihadwyr’.
Llwyddodd ail beilot i ffoi cyn cael ei achub gan fyddin Syria.
Mae llysgennad Rwsia wedi wfftio honiadau gan lywodraeth Twrci fod y peilot wedi anwybyddu rhybudd i beidio croesi i ofod awyr Twrci.
Cyhuddodd Dwrci o gynorthwyo eithafwyr y Wladwriaeth Islamaidd ac o chwarae rhan amwys yn rhyfel cartref Syria.
Mae pryderon y gallai’r digwyddiad arwain at ragor o densiwn rhwng Nato a Rwsia, wrth i Arlywydd Rwsia ddweud y byddai “goblygiadau sylweddol” yn deillio o’r digwyddiad.
