Mae sianel newyddion CNN yn adrodd fod Joe Biden ar y blaen yn nhalaith Georgia.
Yn ôl y darlledwr mae 99% o bleidleisiau wedi eu cyfri a’r Democratiaid sydd ar y blaen am y tro cyntaf, a hynny o drwch blewyn.
Fydd yr Arlywydd Donald Trump ddim yn gallu ennill yr etholiad heb gefnogaeth y dalaith.
Mae gan Georgia 16 o bleidleisiau etholiadol.
Mae’r ffigyrau diweddaraf yn dangos fod Joe Biden ar y blaen o 917 pleidlais yn Georgia.
GA Presidential Election Results – Biden takes the Lead
Biden (D): 49.39.% ( 2,449,371 votes)
Trump (R): 49.37% ( 2,448,454 votes)Biden Margin: (+917)
Estimated: > 99% votes inMore results here: https://t.co/xlHf7GZUxJ
— Decision Desk HQ (@DecisionDeskHQ) November 6, 2020
Yn y cyfamser mae Donald Trump yn parhau i gwyno am “dwyll”.
Mae wedi ceisio tanseilio hyder yn etholiad yr Unol Daleithiau, gan wneud cyhuddiadau di-sail am ddilysrwydd y canlyniadau, a hynny tra bod pleidleisiau’n dal i gael eu cyfrif ledled y wlad.
