Protestiadau Sgwâr Taksim
Mae dwsinau o bobol sy’n cael eu hamau o drais yn erbyn yr heddlu yn ystod protestiadau yn Nhwrci, wedi cael eu harestio.
Fe fu cyfres o gyrchoedd heddiw yn Ankara ac Istanbul, yn targedu grwpiau asgell chwith, ac mae o leia’ 25 o bobol yn y ddalfa.
Cyn y cyrchoedd, fe gafodd dwsinau o bobol eraill eu harestio, a hynny am sefyll yn stond yn Sgwâr Taksim fel rhan o brotest dawel yn erbyn grym y Prif Weinidog, Recep Tayyip Erdogan.
Mae’r don o brotestiadau ers Mai 31 wedi ysgwyd seiliau y drefn seciwlar yn Nhwrci.
