Mae Boris Johnson wedi gwrthod diswyddo Dominic Cummings, gan unwaith eto bwysleisio na fydd gohiriad arall i Brexit ar ôl Hydref 31.
Dominic Cummings yw ymgynghorydd arbennig y Prif Weinidog, ac mae’r spad – special adviser – dan y lach o sawl cyfeiriad.
Mae yn cael ei adnabod fel y dyn clyfar wrth galon yr ymgrych tros adael yr Undeb Ewropeaidd adeg y refferendwm yn 2016.
Ac mae’r cyn-Brif Weinidog Syr John Major ymosod ar Dominic Cummings gan ei alw yn “anarchydd gwleidyddol”.
Mewn araith yn Glasgow, roedd Syr John Major yn annog y Prif Weinidog presennol i ddiswyddo Dominic Cummings, “a gwneud hynny yn go gyflym”.
Pan ofynnwyd i Boris Johnson a fyddai’n diswyddo Dominic Cummings, dywedodd: “Ylwch, mae ymgynghorwyr yn ymgynghori ac mae gweinidogion yn gwneud penderfyniadau.”
