Gotyngiad yn nhwf y sector adeiladu oedd y prif reswm dros dwf llai yn y GDP
Mae twf economi Prydain wedi arafu dros y tri mis diwethaf, a’r cynnydd yn y GDP yn waeth na’r disgwyl.
Dangosodd ffigyrau diweddaraf y Swyddfa Ystadegau Cenedlaethol bod y Cynnyrch Mewnwladol Crynswth (GDP) wedi tyfu o 0.3% yn chwarter cyntaf y flwyddyn.
Roedd y ffigwr wedi haneru ers diwedd 2014.
Ond mae’r economi wedi tyfu 2.4% yn fwy na’r un cyfnod y llynedd yn ôl y Swyddfa Ystadegau.
Gostyngiad yn nhwf y sector adeiladu oedd y prif reswm dros dwf llai yn y GDP. Roedd gostyngiad hefyd mewn cynhyrchiant diwydiannol.
Naw diwrnod cyn yr etholiad cyffredinol, mae arbenigwr yn credu bod y cyhoeddiad yn mynd i effeithio ar hygrededd y pleidiau sy’n honni eu bod yn gymwys i reoli’r economi.
