BBC’n well am drafod datganoli

Mae’r ffordd mae’r BBC yn adrodd straeon am ddatganoli wedi gwella.

Dyna farn ysgolhaig wnaeth feirniadu’r BBC yn 2008 am fethu ymateb i’r newid ers datganoli grym gwleidyddol  i Gymru, yr Alban a Gogledd Iwerddon.

Neithiwr ym Mae Caerdydd roedd yr Athro Anthony King yn cyfeiro at waith ymchwil oedd yn dangos bod y BBC wedi cynyddu nifer y straeon datganoli rhwng 2007 a 2009.

“Mae’r BBC yn anochel yn Gorfforaeth â’i gwreiddiau yn Llundain,” meddai’r Athro King.

“Os ydyn nhw wedi teimlo ar adegau bod yn rhaid iddyn nhw adrodd ar stori sydd yn hannu o Gymru neu yr Alban neu Gogledd Lloegr neu beth bynnag jest oherwydd ei fod e yn dod o rhan yna y byd, fe fydd hynny yn cadw nhw ar flaenau eu traed i’r ffaith bod yna lefydd yn bodoli tu allan i’r M25.”